麦明诗大露半胸，不想再讲魏焌皓“强吻”事件！

艺人麦明诗以金色Tube Dress现身慧妍雅集的慈善晚会，相当“峰”骚。提到魏焌皓“强吻传闻”，有指魏焌皓事件后有联络过麦明诗，但未被理会，问到麦明诗是否私下跟对方有联络，她不愿多谈说：“要讲嘅嘢寻日已经讲晒，唔想件事没完没了。

（你冇否认件事，好似暗示魏焌皓有做过？）佢自己都澄清咗，我亦都讲咗自己想讲嘅嘢，冇必要再讲，想件事告一段落，希望今日个焦点去番活动上面。”

问到是否有向公司投诉？麦明诗停一停再说：“已经交代晒。（公司有搵你？）公司日日都有搵我倾工作。（公司有指引叫你唔好再讲呢件事？）唔系，系我自己唔想讲。（同魏焌皓冇朋友做？）向来都系同事，不过依家佢离开咗都唔系同事，系江湖上嘅朋友。”

另外，麦明诗表示首次参加慧妍雅集的活动，问到有否捐东西出来拍卖？她坦言：“我未去呢啲位置，身边啲嘢都好平，唔系名贵嘅嘢，我仲年轻，所以身体力行支持，见师姐好支持慈善活动、女性活动，都好欣赏佢哋。”